Folkefinansiering: Saman om gode føremål
Tekst: Idun Bjerkvik Leinaas og Jannike Østervold/Pengevirke
Folkefinansiering (engelsk: «crowdfunding») er når enkeltpersonar går saman om å støtte eit prosjekt med pengar som gåve, lån eller eigenkapital. Det kan vere enkeltpersonar, verksemder eller organisasjonar som har tatt initiativ til prosjektet eller aksjonen, som vert publisert og delt via sosiale medier.
Det er utfordrande å starte ei ny verksemd. Sjølv om forretningsideen er god, tar det tid frå prosjektet starter opp til inntektene kjem. I denne fasen kan det vere vanskeleg å få banklån på grunn av høg risiko, og sjølv om ein får banklån, er det tungt å dra på ein ryggsekk av gjeld når ein samtidig skal bygge opp noko nytt. Eit tilskot av gåvepengar kan vere det som skal til for at prosjektet skal lykkast. Under ei oversikt over nokre folkefinansieringstilbydarar for gåver her til lands.
CulturaFlokk
Med folkefinansieringsplattformen CulturaFlokk vil Cultura Bank og Cultura Gavefond oppmode sitt nettverk til å gje litt av sitt overskot til prosjekt der pengane vil bety mykje for mottakarane, og skape verdiar i samfunnet.
«Støtta frå CulturaFlokk er til stor hjelp for å finne eit lokale som gjer at vi når enda fleire kundar!» Gründerane bak Reindyrka, Anne-Line Randal og Anja Eilertsen, sat i gong eit folkefinansieringsprosjekt i mars 2018 for å få butikken opp på gateplan og har motteke over 200 000 kr. Reindyrka er ein butikk der det du kjøper gir noko tilbake til dei som driv produksjonen sin på lag med naturen.
Bidra
Bidra.no har eksistert sidan 2014. Her kan du støtte morgondagens gründarar, samfunnsbyggjarar og dei som gjer gode gjerningar i inn- og utland.
Spleis
Spleis er ei norsk folkefinansieringsteneste med mål om å vere den beste og enklaste tenesta for deg som ønskjer å samle inn pengar til eit bestemt føremål. Tenesta er levert av SpareBank 1.
Startskudd
Folkefinansieringstenestea Startskudd er oppretta for å hjelpe foreiningar og lag, oppstart- og vekstbedrifter med behov for kapital. Tenesta er levert av DNB.